【on.cc東網專訊】零食大王推介　5款必入人氣Snack

【on.cc東網專訊】去到超市入貨，唔係買x浪薯片就係字母朱古力？再好食都out晒啦！不如等香港零食大王的老闆John，為大家介紹近期最潮、最新的5款人氣零食。據緊貼香港零食潮流的John表示，長期居於榜首的一定是日本季節限定的特別版口味薯片，因此，第1位是著名朱古力品牌Royce與Calbee合作推出的朱古力薯片。陣陣薯仔味的脆卜卜薄片上面，淋有香濃幼滑的Royce朱古力，Oishii！

講開朱古力，最受歡迎的還包括屈居第2及第3位的明星朱古力拉麵及山葵味Kit Kat，兩者都是日本當地新推的口味。明星朱古力拉麵將麵條加入熱水焗腍後，分別會加入朱古力醬及調味料，味道雖然又鹹又甜，但勝在夠過癮。至於山葵味Kit Kat就是日本Kit Kat季節限定的新口味，甜甜哋的白朱古力滲出陣陣Wasabi味，相當刺激。至於來自印尼的珍寶版Tic Tac糖就受不少OL及學生哥熱捧，大大盒的Tic Tac裏面是迷你版的獨立包裝，方便拎出街慢慢歎。而第5位則是DARS開心果朱古力，原因除了是全新的開心果口味外，包裝設計也與別不同，是DARS少有推出的特別版。