日清杯麵大改造 懶人食譜輕鬆煮 ︳零蜜學廚
大家食杯麵係咪都只係加熱水食呢？有冇諗過食杯麵都可以食出新意思呢？日本合味道杯麵公開過官方杯麵版大阪燒同茶碗蒸做法，日本網民仲有唔少獨特杯麵食譜，全部都好易做到！連手殘嘅小零蜜都試過，唔只步驟輕鬆，連食材都簡單準備到，但食落去口感味道都滿分，完全係零失敗之作呀！大家快d 跟住學煮啦！
杯麵茶碗蒸
材料：杯麵 1個
雞蛋 1隻
平時食杯麵都會將剩湯倒咗，日清官方將佢變成美味嘅日式料理「茶碗蒸」，做法簡單，又唔會浪費食物！
圖片來源: NISSIN group
只要將剩湯加一隻雞蛋攪勻，再叮大約2分半鐘至3分鐘，咁就食到蛋香濃郁嘅茶碗蒸啦！
 |
Nissin - 青檸豬肉粿條味杯麵黎自泰國嘅最佳滋味杯麵，酸辣味道，滿滿泰式風味，青檸味道令杯麵特別清爽，越食越開胃！除咗就咁食，用黎做炒飯或者茶碗蒸別有一番風味，鍾意食泰國菜嘅朋友一定要掃定好多貨呀！ |
杯麵大阪燒
材料：杯麵 1個
雞蛋 1隻
高麗菜80g
麵粉3茶匙
水1000ml
圖片來源:Twitter
先將杯麵整碎，再將其他材料攪勻，落鑊煎完就完成啦，超級簡單，味道同出面餐廳食到嘅大阪燒一樣咁正！日清官方推薦用UFO炒麵做大阪燒口感更佳，因為炒麵較粗同有咬口，用黎整大阪燒最夾。
 |
Nissin - UFO白菜炒麵深受日本人同香港人歡迎嘅UFO白菜炒麵，相信食過佢嘅人都會回購！香濃醬油配上厚實嘅炒麵，真係會令人食唔停口！日本日清係節目仲教加入蛋黃醬同Wasabi，令佢冇咁油膩，仲香氣倍增，係非常邪惡嘅味道！ |
杯麵炒飯
材料：杯麵 1個
雞蛋 1隻
葱花 適量
白飯 1碗
圖片來源: ANNnewsCH
先將杯麵整碎，再加入溫水，水量只需蓋過麵嘅表面，唔洗加至注水線。喺鑊到先炒雞蛋同白飯，再加入杯麵炒至收乾水份就大功告成啦！杯麵炒飯用海鮮味杯麵會較為出色，用料比較豐富。
 |
Nissin - 冬蔭功蝦仁杯麵冬蔭功杯麵係杯麵界嘅人氣口味，湯底酸辣兼備，香料味道突出，而且配料豐富，有蝦、蘑菇、紅辣椒等，仲有陣陣香茅同青檸味，絕對令人胃口大開！唔怪得之日本網民同日清都認定用佢嚟炒飯，一定味道香濃，仲充滿泰式風味！ |
忌廉濃湯杯麵
材料：杯麵 1個
蛋黃醬 適量
如果想做到忌廉湯底，除咗加入牛奶外，加入蛋黃醬都有同樣效果，買一支可以慢慢用。日本網民仲話「蛋黃醬係標準嘅配料！」
圖片來源: Twitter
做法勁簡單，只需將蛋黃醬加入沖好嘅杯麵中，就會食到牛奶味道。哩個食法網民最推薦係配合海鮮味、咖哩味或辣椒番茄味杯麵。
 |
Nissin - 歐風特濃芝士咖哩杯麵日清超暢銷嘅歐風芝士咖喱杯麵，人人叫好！杯麵加入咗牛油，做出高級牛肉咖喱風味。配料仲有牛肉粒、蘑菇、胡蘿蔔、仲有最重要嘅超濃郁車打芝士，香濃醇厚嘅味道，就咁食已經夠晒吸引，再加上蛋黃醬形成忌廉芝士咖喱湯底，簡直係十級邪惡！點可以錯過呢？ |
 |
Nissin - 辣蕃茄杯麵日清人氣極高番茄杯麵，湯底係岩岩好嘅番茄酸味，仲有辛香料提味，番茄香濃郁得黎仲帶辣，令人食指大動！再加上有羅勒葉同歐芹帶出清爽口感，同酸味配搭展現出清爽口感，個湯飲落冇負擔！加入蛋黃醬仲特別有異國風情！ |
 |
Kewpie丘比 - 沙律醬(蛋黃醬)丘比沙律醬出名蛋味濃郁，香滑美味，細膩口味香甜清爽，用黎做三文治、甜品、定做炸雞醬料等都係一流！唔怪得之日本網民指明整忌廉杯麵一定要用佢啦，因為佢先可以突出杯麵原本嘅味道，奶香仲提升口感同邪惡滋味！ |