小店靠到會殺血路 網購土炮零食有得賺

家人在深水埗經營雜貨鋪多年的彭啟明(John),去年亦加入零食戰團。小本唔夠人鬥,他索性做零食都會服務。去年他創辦「零食大王」,主打辦公室OL。買滿一百元即可送工商地區,三百元送上住宅,他說:「我冇可能同阿信屋嗰啲鋪頭鬥,因為本身零食個利潤已經好細,仲要鬥平咁不如唔好做。」

 

零食大王目前生意八成來自公司客,兩成為散客,「我主要對象係上班族,平時返工冇時間、又或懶得落街買零食嘅,都係我既客!」除了賣零食,更以禮品方式銷售,「例如開party要用五百蚊嚟買零食,咁我會幫個客揀好值五百元嘅嘢食,仲有會賣埋禮盒,等客人當小禮物送俾人。」他指坊間零食鋪走日韓路線,他賣小部份日本零食外,更主打賣懷舊零食,「好似沙嗲串燒、汽水糖等等,小時候鍾意食嘅嘢。另外,仲會同好多本地廠商合作,例如京都念慈菴,好多本地品牌其實都想搞網購,但佢哋產品唔多,成本會好大,但放產品係我度賣,就慳好多。」零食大王開業一年,目前營業額接近二十萬。但七除八扣後,毛利只有二、三成以下,只可說是掙扎求存。

 

 

 

 

 
資料來源:壹周plus
2015年1月25日
//nextplus.nextmedia.com/news/ent/20150125/142806